CƏMİYYƏT


“Yüksəliş” müsabiqəsinin səyyar qeydiyyat avtobusları bölgələrə yola düşüb

Bakı, 21 yanvar, AZƏRTAC

“Yüksəliş” müsabiqəsinin səyyar qeydiyyat avtobusları bölgələrə yola düşüb. Səfərin məqsədi müsabiqə ilə bağlı əhalini məlumatlandırmaq, informasiya-kommunikasiya texnologiyalarına çıxış imkanları məhdud olan şəxslər üçün qeydiyyatdan keçməyə şərait yaratmaqdır.

AZƏRTAC xəbər verir ki, yanvarın 21-də Bakıdan yola düşən avtobusların hərəkət istiqamətlərinə uyğun olaraq Sumqayıt, Hacıqabul, Şirvan və Siyəzən şəhərlərində görüşlər keçirilib.

Daha sonra ardıcıl olaraq yanvarın 22-də Salyan (9:30-11:30), Biləsuvar (13:00- 15:00), Masallı (16:00-18:00), Şabran (9:30-12:00), Quba (13:00-16:00), yanvarın 23-də Qusar (09:30-12:00), Xaçmaz (13:30-17:30), Lənkəran (09:30- 13:30), Astara (15:00-17:00), yanvarın 24-də Neftçala (12:00-14:00), Şamaxı (10:00-13:00), İsmayıllı (14:30-18:00), yanvarın 25-də Qəbələ (09:30-13:00), Şəki (14:00), yanvarın 26-da Balakən (14:00), Zaqatala (10:00-13:00) rayonlarına səfər planlaşdırılıb. Regionlarda səyyar qeydiyyat prosesinə Gənclər və İdman Nazirliyinin yerli idarələri, Gənclər Fondu, Heydər Əliyev mərkəzlərində fəaliyyət göstərən “Karyera inkişaf mərkəzləri”, Gənclər mərkəzləri və “Regional İnkişaf” İctimai Birliyi tərəfindən dəstək verilir.

Qeyd edək ki, “Yüksəliş” müsabiqəsi Prezident İlham Əliyevin ötən il iyulun 26-da imzaladığı Sərəncamla intellektual səviyyəsi və idarəçilik keyfiyyətləri yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis edilib.

Müsabiqənin qeydiyyat mərhələsi fevralın 2-də yekunlaşacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.