AKADEMİK CƏLAL ƏLİYEVİN TƏŞƏBBÜSÜ İLƏ RESPUBLİKAMIZDA KƏND TƏSƏRRÜFATI TƏDQİQATLARI SİSTEMİ MODERNLƏŞDİRİLİR
İnstitutun Tərtər Bölgə Təcrübə Stansiyasının direktoru Faiq Məmmədov AZƏRTAC-ın müxbirinə bildirmişdir ki, bu proqram noyabrın 20-də Azərbaycan Milli Elmlər Akademiyasında Dünya Bankının Mərkəzi və Şərqi Avropa, eləcə də Mərkəzi Asiya ölkələri üzrə məsul nümayəndəsinin iştirakı ilə keçirilən görüşdə ətraflı müzakirə olunmuşdur. Biz qrant proqramı üzrə həyata keçirilən layihələri akademik Cəlal Əliyevin əvəzsiz xidməti kimi qiymətləndiririk. Kənd təsərrüfatı tədqiqatları sisteminin modernləşdirilməsi respublikamızda aqrar sahənin sonrakı inkişafına yeni təkan verəcəkdir.
Görkəmli alim Cəlal Əliyev hər il bölgə təcrübə stansiyasında olur, müxtəlif arpa və buğda sortlarının yetişdirilməsində əməkdaşlarımıza dəyərli məsləhətlər verir. Stansiyamızda alimin yaratdığı “Qiymətli 2/17”, “Bərəkətli”, “Əlincə-84”, “Şiraslan–23”, “Qaraqılçıq-2”, “Nurlu”, “Əzəmətli” və digər sortlardan yüksək nəticələr əldə edilir. Cəlal Əliyevin yaratdığı taxıl sortları xəstəliyə və quraqlığa davamlılığı, məhsuldarlığı və keyfiyyəti ilə seçilir. Akademikin təşəbbüsü ilə taxılçılıq sahəsində dünyanın bir çox nüfuzlu elm mərkəzlərinin alimləri hər il stansiyamızda görülən işlərlə yaxından tanış olurlar. Ötən il Bakı şəhərində keçirilən “Milli genetik ehtiyatların tarla şəraitində qorunması” və müsabiqəli qrant layihələrinin tətbiqinə dair səyyar elmi müşavirə iştirakçıları stansiyamızda yeni taxıl sortlarının yetişdirilməsi sahəsində aparılan işlərlə tanış olmuş, dəyərli məsləhətlər vermişlər. Akademik C.Əliyevin rəhbərliyi ilə stansiyamızdakı irimiqyaslı elmi işlər qonaqlarda böyük maraq doğurmuşdur.
Bölmənin digər xəbərləri
