Azərbaycan Dövlət İnformasiya Agentliyi

RƏSMİ XRONİKA

Azərbaycan Prezidenti İlham Əliyev Xüsusi Dövlət Mühafizə Xidmətinin hərbi şəhərciyində aparılan tikinti və yenidənqurma işləri ilə tanış olmuş, idman kompleksinin açılışında iştirak etmişdir VİDEO

Bakı, 18 yanvar (AZƏRTAC). Yanvarın 18-də Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev Xüsusi Dövlət Mühafizə Xidmətinin hərbi şəhərciyində aparılan tikinti və yenidənqurma işləri ilə tanış olmuş, Xidmətin idman kompleksinin açılışında iştirak etmişdir.

Xüsusi Dövlət Mühafizə Xidmətinin rəisi, general-polkovnik Vaqif Axundov Prezident, Ali Baş Komandan İlham Əliyevə raport verdi.

Dövlətimizin başçısı ümummilli lider Heydər Əliyevin hərbi şəhərcikdəki abidəsini ziyarət etdi, önünə gül dəstəsi qoydu.

Sonra Prezident İlham Əliyev Xüsusi Dövlət Mühafizə Xidmətinin Situasiya Mərkəzinin fəaliyyəti ilə tanış oldu.

Dövlətimizin başçısına son illər hərbi şəhərcikdə həyata keçirilən tikinti və yenidənqurma işləri barədə məlumat verildi. Qeyd olundu ki, hərbi şəhərciyin ərazisində kommunikasiya xətləri yenidən qurulmuş, köhnə tikililər sökülərək yeni binalar inşa edilmişdir. Yeni tikilən beşmərtəbəli iki binada Xidmətin əməkdaşlarının fəaliyyəti üçün hər cür şərait yaradılmışdır. Bundan əlavə, futbol meydançasında yenidənqurma işləri aparılmış, bütün idman qurğuları, o cümlədən qaçış zolağı, tribuna yenidən qurulmuşdur.

Sonra Prezident İlham Əliyev Xüsusi Dövlət Mühafizə Xidmətinin idman kompleksinin rəmzi açılışını bildirən lenti kəsdi.

Kompleksin girişində ulu öndər Heydər Əliyevin barelyefi vurulmuş, Ümummilli Liderin və Prezident İlham Əliyevin ölkədə idmanın və Olimpiya hərəkatının inkişafına göstərdikləri diqqət və qayğıdan bəhs edən fotoguşə yaradılmışdır.

Xüsusi Dövlət Mühafizə Xidmətinin rəisi Vaqif Axundov məlumat verdi ki, 8 min kvadratmetr ərazisi olan kompleksdə idmanın bütün növləri ilə məşğul olmaq üçün hər cür şərait vardır. Burada yüksək standartlara malik üzgüçülük hovuzu yaradılmışdır. Xidmətin əməkdaşlarının kompleksdə təlim keçmələri üçün bütün imkanlar mövcuddur.

Dövlətimizin başçısı Xidmətin əməkdaşlarının istifadəsində olan xüsusi geyim formalarına və ləvazimatlara baxdı. Qeyd olundu ki, bu müasir avadanlıq vasitəsilə sualtı mühafizə tədbirlərinin təşkili yüksək səviyyədə həyata keçirilir. Müxtəlif növ dalğıc kostyumları, hidrokostyum, sualtı xüsusi avtomat, fənər və kompyuter saatı, həmçinin nəfəstənzimləyici, məsafəölçən, siqnalgücləndirici, sualtı videoçəkiliş aparatı, sualtı minaaxtaran və digər avadanlıq əməkdaşlara xidməti lazımi formada həyata keçirməyə imkan verir.

Diqqətə çatdırıldı ki, kompleksdə müasir avadanlıqla təchiz olunmuş tibb məntəqəsi də vardır. Buradakı təlimat zalları yüksək səviyyədə qurulmuşdur.

Azərbaycan Prezidenti əlbəyaxa döyüş zalında şəxsi heyətin nümunəvi çıxışlarına baxdı.

Məlumat verildi ki, trenajor zalı ən müasir avadanlıqla təchiz olunmuşdur. Kompleksdə basketbol, voleybol və digər kütləvi idman yarışlarının keçirilməsi üçün 360 tamaşaçı yerlik zal da yaradılmışdır.

Dövlətimizin başçısı kompleksdə yaradılan şəraitlə tanış olduqdan sonra Xüsusi Dövlət Mühafizə Xidmətinin şəxsi heyəti ilə görüşdü.

Azərbaycan Prezidenti, Ali Baş Komandan İlham ƏLİYEV Xidmətin şəxsi heyətini salamlayaraq dedi:

- Sabahınız xeyir olsun.

Xüsusi Dövlət Mühafizə Xidmətinin hərbi şəhərciyində aparılan yenidənqurma-tikinti işləri ilə tanış oldum. İşlər çox yüksək səviyyədə görülür, inzibati binalar tikilir, təmir edilir. Gözəl idman kompleksi tikilmişdir. Burada istənilən yarışı keçirmək mümkündür. Əlbəttə ki, burada əməkdaşların fiziki hazırlığı üçün bütün imkanlar vardır. Çünki Xüsusi Dövlət Mühafizə Xidmətinin əməkdaşlarının peşəkarlığının tərkib hissəsi olan fiziki hazırlıq da yüksək səviyyədə olmalıdır. Burada idmanın bütün növləri ilə məşğul olmaq mümkündür. Əminəm ki, əməkdaşlar bu imkanlardan səmərəli şəkildə istifadə edəcəklər, yüksək keyfiyyətlə, zövqlə tikilmiş bu idman kompleksi, uzun illər uğurla fəaliyyət göstərəcəkdir.

Əlbəttə ki, burada əməkdaşların xüsusi hazırlığı üçün bütün imkanlar vardır. Mən əvvəlki illərdə Xidmətin müxtəlif obyektlərinin - həm xüsusi hazırlıqla bağlı, həm də digər obyektlərin açılışında iştirak etmişəm. Yəni, bu gün Xüsusi Dövlət Mühafizə Xidmətinin maddi-texniki bazası kifayət qədər möhkəmdir. Bir neçə il bundan əvvəl hospital, təlim bazası açılmışdır. Xüsusi hazırlıq, fiziki hazırlıq, eyni zamanda, mühafizə tədbirlərinin gücləndirilməsi üçün burada bütün imkanlar vardır.

Bu gün yeni texnologiyalar tətbiq edilir. Əlbəttə ki, biz Xidmətin maddi-texniki bazasının möhkəmləndirilməsi işində bu texnologiyalardan istifadə edirik, müşahidə imkanları genişlənir. Yəni, texniki təchizat sizin işinizi yüngülləşdirir. Ancaq, eyni zamanda, əməliyyat işləri də həmişə böyük önəm daşıyır. Xidmətin əməliyyat işləri də yüksək səviyyədədir.

Xidmətin çox böyük funksiyaları vardır. Dövlət orqanlarının, dövlət obyektlərinin mühafizəsi məsələləri böyük əhəmiyyət daşıyır. Bu gün müstəqil dövlətimizin uğurlu inkişafı üçün təhlükəsizlik tədbirləri yüksək səviyyədə təmin edilməlidir.

Azərbaycanda ictimai-siyasi asayiş təmin edilir, sabitlik mövcuddur və insanlarımız təhlükəsiz şəraitdə yaşayırlar. Əlbəttə ki, gələcək uğurlu inkişafımız üçün təhlükəsizlik tədbirləri həmişə diqqət mərkəzində olmalıdır. Mən Xüsusi Dövlət Mühafizə Xidmətinin bu sahədəki fəaliyyətini yüksək qiymətləndirirəm.

Azərbaycanda təhlükəsizlik yüksək səviyyədə təmin edilir. Eyni zamanda, Azərbaycana gələn çoxsaylı yüksək vəzifəli nümayəndə heyətlərinin mühafizəsi də sizin məsuliyyətinizdir. Nəzərə alsaq ki, bu gün Azərbaycan və Bakı artıq siyasi və iqtisadi mərkəzə çevrilibdir, burada keçirilən tədbirlərin sayı həddindən artıq çoxdur. Bütün mötəbər tədbirlərdə mühafizə məsələləri yüksək səviyyədə təşkil edilir. Siz Azərbaycana gələn xarici dövlət, hökumət başçılarının mühafizəsini təmin edirsiniz. Zirvə görüşləri, digər beynəlxalq forumlar keçirilir. Əlbəttə ki, bu tədbirlərin mühafizəsi bilavasitə sizin məsuliyyətinizdir. Demək olar ki, Azərbaycanda hər ay, bəlkə də ayda bir neçə dəfə mötəbər tədbirlər keçirilir. Bu tədbirlərin yüksək səviyyədə keçirilməsində Xidmətin əməkdaşlarının xidmətləri vardır.

Eyni zamanda, ölkəmizin iqtisadi təhlükəsizliyini təmin edən enerji sahəsində də sizin xidmətləriniz vardır. İxrac boru kəmərlərinin mühafizəsi də sizə həvalə edilibdir. Uzun illərdir ki, siz strateji enerji infrastrukturunun mühafizəsi ilə məşğulsunuz və bu illər ərzində bir dənə də xoşagəlməz hadisə olmamışdır. Bakı-Tbilisi-Ceyhan, Bakı-Tbilisi-Ərzurum və digər kəmərlər, onların fəaliyyəti Azərbaycan ərazisində ən yüksək səviyyədə təmin edilir. Bir dəfə də olsun heç bir qanunsuz müdaxilə olmamışdır. Ancaq başqa ölkələrdə belə müdaxilələr, qanunsuz əməllər, o kəmərlərdən neftin oğurlanması halları kifayət qədər çox olubdur. Bu, ilk növbədə onu göstərir ki, Azərbaycan əhalisi bu məsələyə lazımi səviyyədə yanaşır. Eyni zamanda, mühafizə sistemi də lazımi səviyyədə qurulubdur. Həm elektron vasitələrlə müşahidə, eyni zamanda, vizual müşahidə yüksək səviyyədə təmin edilir. Beləliklə, ölkə iqtisadiyyatı üçün strateji əhəmiyyət daşıyan əsas ixrac kəmərlərimiz Xidmət tərəfindən yüksək səviyyədə təmin edilir və qorunur.

Əlbəttə ki, mən Prezident kimi Xidmətin uğurlu fəaliyyəti üçün həmişə öz dəstəyimi vermişəm. Xidmətin rəhbərliyindən gələn demək olar ki, bütün təklifləri qəbul etmişəm. Xidmətin maddi-texniki bazasının yaxşılaşdırılması, əməkdaşların məişət problemlərinin həlli üçün lazım olan bütün göstərişlər verilmişdir. Bu gün deyə bilərəm ki, bu idman kompleksinin açılışı bu sahədə nəzərdə tutulmuş bütün işləri tamamlayır: hospital, təlim-məşq mərkəzi, idman kompleksi, situasiya mərkəzi və müasir avadanlıqla təchizat - bütün işlər yüksək səviyyədə aparılır.

Son illər ərzində biz sizinlə müxtəlif tədbirlərdə dəfələrlə görüşmüşük. Bir daha demək istəyirəm ki, mən Xidmətin fəaliyyətini yüksək qiymətləndirirəm. Xüsusi Dövlət Mühafizə Xidməti ölkəmizin uğurlu inkişafında böyük rol oynayır. Azərbaycanda təhlükəsizliklə bağlı bütün tədbirlər yüksək səviyyədə təmin edilir. Əminəm ki, bundan sonra da belə olacaqdır. Çünki yerləşdiyimiz region əlbəttə ki, hamımızdan xüsusi diqqət tələb edir. Azərbaycanın ətrafında gedən xoşagəlməz proseslər əlbəttə ki, bizi daha da səfərbər etməli, daha da diqqətli olmağa çağırmalıdır. Biz buna hazırıq. Bu gün Azərbaycanın uğurlu inkişafı, o cümlədən daxili sabitlik və təhlükəsizlik hesabına təmin edilir.

Sizə yeni ildə yeni uğurlar arzulayıram. Bu kompleksin, ümumiyyətlə, burada aparılan işlərin yüksək səviyyədə olduğunu bir daha qeyd etmək və sizi bu işlər münasibətilə təbrik etmək istəyirəm.

X X X

Xüsusi Dövlət Mühafizə Xidmətinin rəisi, general-polkovnik Vaqif AXUNDOV çıxış edərək dedi:

- Möhtərəm Prezident, cənab Ali Baş Komandan!

Sizi bir daha bizim hərbi şəhərcikdə şəxsi heyətin adından salamlayır, “Xoş gəlmisiniz” deyirəm. Bu, Sizin Xüsusi Dövlət Mühafizə Xidmətinə yeddinci səfərinizdir. Xidmətimizin fəaliyyəti ilə bağlı söylədiyiniz dəyərli fikirlərə görə də Sizə dərin minnətdarlığımı bildirirəm.

Bilirsiniz ki, Xüsusi Dövlət Mühafizə Xidməti 1993-cü ilin avqust ayında - Azərbaycanda vətəndaş müharibəsi və Ermənistan-Azərbaycan müharibəsinin getdiyi dövrdə Ulu Öndərin təşəbbüsü və rəhbərliyi ilə yaradılmışdır. Bu Xidmətin əsası o dövrdə qoyulmuşdur. İyirmi ildən artıqdır fəaliyyət göstərən Xidmətimiz digər xüsusi xidmət orqanları ilə müqayisədə gəncdir. Amma gənc olmasına baxmayaraq, çox yüksək döyüş qabiliyyətinə və güclü maddi-texniki bazaya malikdir.

Təbiidir, Xüsusi Dövlət Mühafizə Xidmətinin yenidənqurmadan sonra bu gün açılışında iştirak etdiyiniz hərbi şəhərciyi, müasir tələblərə uyğun bu idman kompleksi Azərbaycan standartlarına cavab verən səviyyədə qurulubdur. Stadion, inzibati binalar - bunların hamısı Xidmətimizə Sizin göstərdiyiniz diqqət və qayğının əyani nümunəsidir.

Bütün bu diqqət və qayğıya, fəaliyyətimizə, maddi-texniki bazamızın gücləndirilməsinə, şəxsi heyətin sosial-məişət problemlərinin həll olunmasına, sağlamlıqla bağlı hospitalın, “Nabran” istirahət mərkəzinin, - bizim şəxsi heyət burada istirahət edir, - açılmasına görə Sizə təşəkkür edirik. Təkcə 2003-2013-cü illər ərzində 800-ə yaxın mənzil tikilib istifadəyə verilibdir. Bu, Sizin diqqət və qayğınızdır, Xidmətimizin fəaliyyətinə göstərdiyiniz yüksək etimaddır.

Cənab Prezident, bu yüksək etimada görə Sizə şəxsi heyət adından bir daha təşəkkürümü bildirirəm. Sizi əmin edirəm ki, bundan sonra da öz xidmətimizlə, əməyimizlə, işimizlə Sizin gərgin işinizlə ayaqlaşaraq etimadınızı doğruldacağıq. Təşəkkür edirəm.

Prezident İlham ƏLİYEV: Sağ olun.

X X X

Sonda xatirə şəkli çəkdirildi.

Xatırladaq ki, ümummilli lider Heydər Əliyevin Azərbaycan Respublikası Ali Dövlət Hakimiyyət və İdarəetmə Orqanlarını Baş Mühafizə İdarəsinin təşkili ilə bağlı imzaladığı Fərmanla yaradılan bu qurum təsis edildiyi gündən etibarən digər hüquq mühafizə orqanları kimi, ölkəmizdə sabitliyin və əmin-amanlığın təmin olunması, dövlətin təhlükəsizliyinin qorunması istiqamətində mühüm işlər görmüşdür. Azərbaycanın sürətli iqtisadi inkişafı, enerji sektorunda əldə edilən uğurlar, ölkəmizin Avropanın enerji təhlükəsizliyində oynadığı rolun getdikcə artması, şaxələndirilmiş enerji marşrutlarının təhlükəsizlik məsələləri Xüsusi Dövlət Mühafizə Xidmətinin qarşısına yeni vəzifələr qoymuşdur. Azərbaycan Respublikası Prezidentinin Fərmanı ilə Xüsusi Dövlət Mühafizə Xidmətinin tərkibində İxrac Neft və Qaz Boru Kəmərlərinin Təhlükəsizliyi İdarəsinin yaradılması qurumun fəaliyyətini daha da genişləndirmişdir. Prezident İlham Əliyevin diqqət və qayğısı nəticəsində Xüsusi Dövlət Mühafizə Xidmətinin maddi-texniki bazasının möhkəmləndirilməsi, şəxsi heyətin peşəkarlığının daha da artırılması, qurumun ən müasir texniki avadanlıqla təchiz olunması istiqamətində ardıcıl tədbirlər həyata keçirilməyə başlanmışdır.

Dövlətimizin başçısının Sərəncamı ilə Xüsusi Dövlət Mühafizə Xidmətinin Müasir Xüsusi Rabitə və İnformasiya Təhlükəsizliyi Mərkəzi yaradılmışdır. Mərkəzdə dövlət orqanlarının internet informasiya resurslarının, operativlik və təhlükəsizlik tələblərinə cavab verən və hazırda Avropa ölkələrinin əksəriyyətində istifadə edilən “TETRA” radiorabitə sistemi tətbiq olunur. 2013-cü ilin aprelində Prezident İlham Əliyevin Fərmanı ilə Azərbaycanın xarici ölkələrdə və beynəlxalq təşkilatlarda fəaliyyət göstərən diplomatik nümayəndəliklərinin mühafizəsinin təmin edilməsi məqsədilə Xüsusi Dövlət Mühafizə Xidmətinin tərkibində Diplomatik Nümayəndəliklərin Mühafizəsi İdarəsinin yaradılması qurumun üzərinə yeni vəzifələr qoymuşdur.

Xüsusi Dövlət Mühafizə Xidməti son illər Azərbaycanda gedən sürətli inkişaf prosesləri, ölkədə nəhəng infrastruktur layihələrinin icrası, dövlət orqanlarının işinin keyfiyyətcə yeni mərhələyə daxil olması və digər beynəlxalq əhəmiyyətli tədbirlərin keçirilməsi ilə bağlı üzərinə düşən vəzifələri yüksək peşəkarlıqla həyata keçirir. Şəxsi heyətin sosial həyat şəraitinin yaxşılaşdırılması, xidmətin səviyyəsinin daha da yüksəldilməsi ilə əlaqədar tədbirlər də ardıcıl olaraq davam etdirilir. Xüsusi Dövlət Mühafizə Xidmətinin idman kompleksinin tikilməsi və bu çərçivədə bir çox digər tədbirlərin həyata keçirilməsi bunun bariz nümunəsidir.

 

Xəbəri sosial şəbəkələrdə paylaşın

Bizi sosial şəbəkələrdə izləyin

VİDEO

Azərbaycan Prezidenti İlham Əliyev Xüsusi Dövlət Mühafizə Xidmətinin hərbi şəhərciyində aparılan tikinti və yenidənqurma işləri ilə tanış olmuş, idman kompleksinin açılışında iştirak etmişdir VİDEO

Qərbi Ukrayna Universitetinin tələbələri üçün Azərbaycan haqqında leksiya keçirilib

Xocalı soyqırımı qurbanlarının xatirəsi Budapeştdə də anılıb

Nəsimi və Binəqədi rayonları üzrə sertifikatlaşdırma ilə bağlı görüş keçirilib

Azərbaycanın daha bir cüdo hakimi "A" kateqoriyası alıb

Sabah ölkə ərazisində hava əsasən yağmursuz olacaq

Filarmoniyada növbəti abonement konsertlər təşkil edilib

İsveç millisinin futbolçusu süni tənəffüs aparatına qoşulub

“MWC 2024” sərgisində HONOR süni intellekt texnologiyalarına əsaslanan inqilabi MagicBook Pro 16 noutbukunu təqdim edib

Novruzun ilk müjdəçisi - su çərşənbəsində 7 dərəcəyədək isti müşahidə olunur

Ali Məhkəmə məhkəmə qərarı ilə təsdiq edilmiş barışıq sazişinin etibarsızlığı barədə iddianın mümkünlüyünə aydınlıq gətirib

“Barselona” Dani Alvesin adını əfsanələr siyahısından çıxarıb

Sahibkarlar üçün 7 sahə üzrə daxili bazar araşdırması aparılır

FHN: Ötən sutka ərzində 1-i azyaşlı olmaqla 7 nəfər xilas edilib

BDU və Bartın Universitetinin birgə konfransı: “Xocalı: soyqırımından zəfərə”

Respublika QİÇS-lə Mübarizə Mərkəzi: Narkotik istifadəçiləri arasında İİV-ə yoluxanların sayı 2 dəfə azalıb

Ötən il nağdsız valyuta bazarında aparılan əməliyyatların həcmi açıqlanıb

Naxçıvanda faqot ifaçısı Ümüd Musayevin solo konserti olacaq

Ermənistan Rusiya sərhədçilərinin Zvartnots aeroportunda fəaliyyətini dayandırmasını istəyir

Beynəlxalq olimpiadada Azərbaycanı təmsil edəcək şagirdlərin adları açıqlanıb

Yurgen Klopp “Liverpul”un tarixinə düşüb

Mərkəzi Bank ötən il müxtəlif müddətli 125 not hərracı keçirib

“Caspian Agro” və “Interfood Azerbaijan” sərgiləri bu ilin mayında baş tutacaq

QDİƏT PA: Yaxın gələcəkdə Azərbaycan nümayəndə heyətinin AŞPA-da səsvermə hüququnun bərpa olunacağına ümid edirik

Minlərlə polşalı fermer yürüş keçirmək üçün Varşavaya axışır

Veteran futbolçu: “Neftçi” vacib xallar itirdi, “Qarabağ”ın rəqibi yoxdur

Prezident İlham Əliyev Səudiyyə Ərəbistanının Həcc və Ümrə nazirini qəbul edib  YENİLƏNİB

İyirmi bir il əvvəl törədilmiş qəsdən adam öldürmə cinayətinin üstü açılıb

Emin Qəhrəmanovun əsərində Xocalı faciəsi

“Hizbullah” İsrail istiqamətində onlarla raket atıb

® “Birbank Biznes”lə biznes həyatınız rahat və sürətlidir

DİM buraxılış imtahanı verəcək şagirdlərə müraciət edib

Rusiyadan baxış: Paşinyanın indiki manipulyatorlarını Ermənistanın və onun xalqının taleyi maraqlandırmır

AMB: Bugünkü hərracda tələb 105 milyonu ötüb

Əlilliyi olan şəxslərin əl işlərinin satış-sərgisi təşkil edilib

Qadınlar gündə 3600 addım atmaqla ürək çatışmazlığı riskini azalda bilərlər

Azərbaycan Həndbol Federasiyasının rəsmisi yeni təyinat alıb

Yaponiyada elektromobil akkumulyatorunun ömrünü uzadan texnologiyalar hazırlanıb

BMU məzunu Böyük Britaniyada Xocalı soyqırımı ilə bağlı tədbir keçirib

F.T.Əhmədovun Azərbaycan Respublikasının ədliyyə naziri təyin edilməsi haqqında
Azərbaycan Respublikası Prezidentinin Sərəncamı

Dövlət Xidməti: Ötən il ümumi satınalmaların sayı 13 faiz artıb

Azərbaycan Boks Federasiyasına yeni vitse-prezident seçilib

Bakıda 15 yaşlı uşaq avtobus sürdü, atası cəzalandırıldı

Sankt-Peterburqda Xocalı soyqırımı qurbanlarının xatirəsi anılıb

Paytaxt məktəblərində işə qəbul müsabiqəsinin müsahibə mərhələsi başa çatıb

Şabranda KİA aşıb, 3 nəfər xəsarət alıb

Ronaldu nalayiq jestə görə diskvalifikasiya edilə bilər

Şamaxıda keçirilən düşərgədə gənclər narkotik vasitələrdən istifadənin risk amilləri barədə məlumatlandırılıb

Dövlət İmtahan Mərkəzi “Abituriyent” jurnalının 1-ci nömrəsini nəşr edib

Qırğızıstanda qar uçqunu nəticəsində dörd əcnəbi turist həlak olub

Astanada Xocalı soyqırımı qurbanlarının xatirəsi anılıb

Astarada mərhum jurnalist Şakir Yaqubovun xatirə guşəsi yaradılıb

Azərbaycan Boks Federasiyasında ötən ilin yekunları və yeni hədəflər müzakirə edilib

Rusiya, Azərbaycan və İran elektrik sistemlərinin birləşdirilməsi ilə bağlı danışıqlar aparır

Bayden gələn həftə Qəzzada atəşkəsin başlayacağına ümid edir

Beynəlxalq Türk Akademiyasının Türkmənistan və Qırğızıstanla birgə keçirdiyi layihələr müzakirə edilib

Xankəndidə uşaq bağçasının zirzəmisindən xeyli silah-sursat tapılıb

® “STP Şirkətlər Qrupu” istehsal sahələrində enerji və su sərfiyyatına necə qənaət edir?

BMT 2025-ci ildə Dünya Sosial Sammiti keçirmək niyyətindədir

Baş Dövlət Yol Polisi idarəsindən valideynlərə ÇAĞIRIŞ

Xidmət rəisi vətəndaşların müraciətlərini dinləyib

Husilər Avropa və Asiyanı birləşdirən dörd sualtı internet kabelini zədələyiblər

Təhsildə inkişaf və innovasiyalar üzrə VIII qrant müsabiqəsinə sənəd qəbulu başlanır

Azərbaycan Voleybol Federasiyasının rəsmisi final oyununa təyinat alıb

ADAU-nun tələbələrinə heyvan sağlamlığı və baytarlıq nəzarəti ilə əlaqədar məlumat verilib

İqtisadiyyat nazirinin müavini Sabirabad şəhərində vətəndaşları qəbul edəcək

Azərbaycan Premyer Liqasında daha iki turun proqramı bəlli olub

Təbrizdə Xocalı soyqırımı qurbanlarının xatirəsi anılıb

Ombudsman 2023-cü il üzrə məruzəsini təqdim edib

“YAŞAT” Fondu şəhidin anasının gözündə aparılan əməliyyatların xərclərini ödəyib

Peruda xilasetmə missiyasını yerinə yetirən iki polis həyatını itirib

Dünya birjalarında neft bahalaşıb

Nyukasl və quş qripi xəstəliyi ilə bağlı bəzi ərazilərə tətbiq edilmiş məhdudiyyətlər aradan qaldırılıb

Nizami rayonunda oğurluqda şübhəli bilinən qadın saxlanılıb

İƏT Xocalı soyqırımının 32-ci ildönümü ilə bağlı bəyanat yayıb

ADA Universiteti Özbəkistanda beynəlxalq təhsil proqramlarını təqdim edib

Sabunçu rayonunda oğurluğa görə axtarışda olan şəxs saxlanılıb

DİN: Fevralın 26-da 53 cinayətin açılması təmin edilib

AZAL Türkiyənin bir sıra istiqamətləri üzrə yeni aksiyaya start verir

Novruz çərşənbələrində yanğın təhlükəsizliyi qaydalarına dair Fövqəladə Hallar Nazirliyi əhaliyə müraciət edib

Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2024-cü ilin mart ayında şəhər və rayonlarda keçiriləcək vətəndaşların qəbulu CƏDVƏLİ

Su çərşənbəsi mif və reallığın əlamətlərini ayinlərdə yaşadır

HONOR “MWC 2024”-də hər ssenarisi “AI” ilə gücləndirilmiş yeni strategiyasını təqdim edir

Konstitusiya Məhkəməsinin Plenumunun iclasında Ali Məhkəmənin müraciəti əsasında konstitusiya işinə baxılıb

HDQ-nin Dəniz xüsusi təyinatlıları ilə təlim məşqləri keçirilib, zərbə PUA-sı tətbiq edilib VİDEO

Azərbaycan neftinin qiyməti 86,01 dollar olub

Alman-Azərbaycan Xarici Ticarət Palatasının İdarə Heyətini sədri Anar Həsənov və İdarə Heyətinin icraçı üzvü Tobias Baumanndan

BMT-nin Qaçqınlar üzrə Ali Komissarlığının Azərbaycandakı nümayəndəsi Bik Lumdan

Lənkəran sakinləri Yardımlıda 15 kiloqram narkotiklə saxlanılıblar VİDEO

Birləşmiş Millətlər Təşkilatının Qaçqınlar üzrə Ali Komissarı Filippo Qrandidən

Nazir Beynəlxalq Ticarət Palatasının Baş katibi ilə COP29-a hazırlığı müzakirə edib

Mozambik Respublikasının Prezidenti Filipe Jasinto Nyusidən

Maldiv Respublikasının Prezidenti Məhəmməd Muizzudan

Azərbaycan 42-ci Şalyapin Beynəlxalq Opera Festivalında təmsil olunur

Kürdəmirdə onlayn yolla narkotik alan şəxs saxlanılıb

Ağırlığım, uğurluğum tökülsün suyun üstünə - Bu gün Novruzun ilk çərşənbəsidir

Şabranda silah-sursat tapılıb

Kubada Xocalı soyqırımının 32-ci ildönümü anılıb

Çin bu il “Long March 12” daşıyıcı raketini orbitə çıxaracaq

Həddindən artıq D vitamini qəbul etmək zərərlidir

İqor Korotçenko: Bu gün Azərbaycan bütün işğalçılardan tamamilə azaddır