İrakli Kobaxidze: Gürcüstanda polisə qarşı zorakılıq etmək istəyənlər var
Tbilisi, 12 may, AZƏRTAC
Radikal müxalifət tərəfindən təşkil edilən və xaricdən maliyyələşən aqressiv gənclərdən ibarət qrupların mayin 13-də və 14-də Gürcüstan parlamentinə, asayiş keşikçilərinə qarşı zorakılıq aksiyaları keçirməyi planlaşdırdıqları barədə dəqiq məlumatımız var.
AZƏRTAC xəbər verir ki, bu barədə Gürcüstanın Baş naziri İrakli Kobaxidze bu gün keçirdiyi brifinqdə bildirib.
İ.Kobaxidze radikal müxalifət qruplarının hər bir üzvünə xəbərdarlıq edib.
Baş nazir deyib ki, zorakılığa görə hər kəs qanun qarşısında cavab verəcək.
Hökumət başçısı hüquq-mühafizə orqanları əməkdaşlarını maksimum təmkin göstərməyə çağırıb.
Onun sözlərinə görə, ABŞ və ya Fransa polisi üçün adi hala çevrilən cinayətkarlara qarşı sərt cavab formaları gürcü hüquq-mühafizə orqanlarının əməkdaşları üçün məqbul olmamalıdır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
