Çində 361 polis xidməti vəzifəsini yerinə yetirərkən vəfat edib
Pekin, 5 aprel, AZƏRTAC
Çin Xalq Respublikasında ötən il 361 polis əməkdaşı xidməti vəzifəsini yerinə yetirərkən vəfat edib.
AZƏRTAC xəbər verir ki, bu barədə ölkənin İctimai Təhlükəsizlik Nazirliyi məlumat yayıb. Bildirilir ki, ölüm hallarının 246-sı əlavə iş saatlarında qeydə alınıb. Ölənlərin orta yaş həddi 43,5 olub ki, bu da Çində orta ömür yaşının yarısına bərabərdir.
Nazirliyin məlumatına əsasən, vəzifə başında vəfat edən polislərin ailələrinə ödənilən təqaüdlərin məbləği artırılıb. Asayiş keşikçilərinin gərgin fəaliyyətini nəzərə alan hökumət onlara ödənilən tibbi sığortanın və polis övladlarına göstərilən müxtəlif maddi dəstəyin miqdarını çoxaldıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
