MAYIN AXIRINDA MOSKVADA MDB HÖKUMƏT BAŞÇILARI ŞURASININ İCLASI OLACAQ
Aprelin 7-də keçirilmiş MDB İqtisadi Şurasının yekunları barədə məlumat verən S.Narışkin demişdir: “Biz iqtisadi inteqrasiyanın genişləndirilməsinə yönəldilmiş bir sıra məsələləri və mexanizmləri nəzərdən keçirmişik. Əsas məsələ MDB-nin 2020-ci ilədək iqtisadi strategiyasının hazırlanması olmuşdur”.
Bundan əlavə, İqtisadi Şurada Birlik ölkələrinin xarici ticarət sahəsində müdafiə tədbirləri və qarşılıqlı ticarətə əngəllərin tədricən aradan qaldırılması məsələləri nəzərdən keçirilmiş, müqavilə-hüquq bazasından bir sıra sənədlər, o cümlədən sərhədyanı əməkdaşlıq haqqında konvensiya, valyutanın tənzimlənməsi və nəzarəti sahəsində siyasətin əsas prinsipləri haqqında saziş müzakirə olunmuşdur. Bütün bu məsələlər mayın üçüncü ongünlüyündə keçiriləcək Hökumət Başçıları Şurasının müzakirəsinə çıxarılacaqdır.
Bölmənin digər xəbərləri
