Bakı, 10 may, AZƏRTAC

Mayın 10-da Milli Kitabxanada görkəmli ədəbiyyatşünas və tənqidçi, AMEA-nın həqiqi üzvü, Azərbaycanın Dövlət mükafatı laureatı, Əməkdar elm xadimi, professor Məmməd Cəfər Cəfərovun anadan olmasının 110 illiyi münasibətilə “Məmməd Cəfər – 110” adlı kitab sərgisi açılıb.

Kitabxanadan AZƏRTAC-a bildirilib ki, sərgidə alimin Azərbaycan və müxtəlif dillərdə nəşr olunan əsərləri, haqqında yazılan kitablar, redaktoru olduğu, “Ön söz” yazdığı, tərcümə etdiyi, rəy verdiyi kitablar və dövri mətbuat materialları nümayiş edilir.

Sərgi bir həftə davam edəcək.