ELM VƏ TƏHSİL
Rumıniyada XII beynəlxalq türk dili konqresi keçiriləcək
Buxarest, 21 sentyabr, AZƏRTAC
Rumıniyada XII beynəlxalq türk dili konqresi keçiriləcək.
“AGERPRES” milli xəbər agentliyinin məlumatına əsasən, Rumıniyada fəaliyyət göstərən Yunus Əmrə İnstitutunun təmsilçiliyi, Buxarest türk mədəniyyət mərkəzi, Bilkent Universiteti, Buxarest Dövlət Universiteti (BDU), Azərbaycan ilə Türkiyə arasında əməkdaşlıq və həmrəylik fondunun birgə təşkilatçılığı ilə BDU-nun tarix fakültəsində sentyabrın 26-da 120 filoloqun iştirakı ilə türkologiyanın əhəmiyyəti müzakirə ediləcək.
Məşhur rumın tarixçisi Nikolae Yorqanın adını daşıyan zalda keçiriləcək tədbirdə bir sıra mühüm linqvistika məsələlərinə toxunulacağı gözlənilir.
İqbal Hacıyev
AZƏRTAC-ın xüsusi müxbiri
Buxarest