Bakı, 21 dekabr (AZƏRTAC). AZƏRTAC Lenta.ru saytına istinadla xəbər verir ki, rusiyalı milyardçı Dmitri Rıbolovlevin qızı Nyu-Yorkda 88 milyon dollar dəyərində mənzilə sahib olmuşdur. Amerika mətbuatının məlumatına görə, bu, Manhettenin daşınmaz əmlak bazarında ən bahalı alış-veriş olmuşdur.

Rusiyalı biznesmenin qızının nümayəndəsi bildirmişdir ki, Yekaterina Rıbolovleva ABŞ-da universitetdə təhsil alır. O, tələbə kimi hər dəfə Nyu-Yorka gələndə bu mənzildən istifadə edəcəkdir. Nümayəndə məlumat vermişdir ki, biznesmenin qızı Rusiyada anadan olmuşdur. Axırıncı 15 ilini İsveçrədə və Monakoda yaşamışdır.