RƏSMİ SƏNƏDLƏR
TÜRKİYƏ RESPUBLİKASININ PREZİDENTİ ZATİ-ALİLƏRİ CƏNAB ƏHMƏD NECDƏT SEZƏRƏ
Hörmətli cənab Prezident,
Əziz qardaşım,
Türkiyə Respublikasının milli bayramı – Respublika elan edilməsi günü münasibətilə Sizi və bütün Türkiyə xalqını ürəkdən təbrik edirəm.
Biz dünya birliyində layiqli yer tutmuş qardaş Türkiyənin uğurlarına sevinir, ölkənizin beynəlxalq nüfuzunun gündən-günə artmasından fərəh hissi keçiririk.
Xalqlarımızın tarixi birliyi və sarsılmaz dostluğu bizim ən böyük sərvətimizdir. Belə bir möhkəm təməl üzərində qurulmuş dövlətlərarası münasibətlərimizdə bir-birimizə inam və etibarımız, qarşılıqlı dəstəyimiz böyük məmnunluq doğurur.
Sizə möhkəm cansağlığı, işlərinizdə uğurlar, qardaş Türkiyəyə əmin-amanlıq və firavanlıq arzulayıram.
Hörmətlə,
Heydər Əliyev
Azərbaycan Respublikasının Prezidenti
Bakı şəhəri, 26 oktyabr 2002-ci il