CƏMİYYƏT
Turqay Hüseynov: Vəkil işləmək üçün təcrübə müddətinin üç ildən bir ilə qədər azaldılması gündəmdədir
Bakı, 26 may, AZƏRTAC
Hazırda əsas müzakirə edilən məsələlərdən biri də vəkillik peşəsində çalışmaq üçün üç illik təcrübənin olması şərtidir. Hazırda təcrübə müddətinin bir ilədək azaldılması gündəmdədir.
AZƏRTAC xəbər verir ki, bu sözləri Vəkillər Kollegiyasının Vəkillərin İxtisas Komissiyasının sədri Turqay Hüseynov jurnalistlərə müsahibəsində deyib.
Turqay Hüseynov qeyd edib ki, Hüquq fakültəsini bitirərək vəkil işləmək istəyən məzunlar çoxdur: “Bu da vəkilliyin inkişafına əsas verir. Üç il təcrübənin olması vəkil olmaq istəyənlərin sayının azalmasına səbəb olur. Təcrübənin 1 ilə qədər azaldılmasını irəli sürməklə gəncləri vəkillik istiqamətində çalışmağa cəlb etmək istəyirik”,- deyə Turqay Hüseynov bildirib.