AZƏRBAYCANIN XARİCİ İŞLƏR NAZİRİ BERLİNƏ GETMİŞDİR
AzerTAg.az
Noyabrın 11-də Azərbaycanın xarici işlər naziri Vilayət Quliyev Almaniya Federativ Respublikası hökumətinin dəvəti ilə “Cənubi Qafqaz: Siyasi-coğrafi inkişaf perspektivləri, beynəlxalq siyasi dialoq” mövzusunda tədbirdə iştirak etmək üçün Berlinə işgüzar səfərə yola düşmüşdür.
Xarici İşlər Nazirliyinin mətbuat mərkəzindən AZƏRTAC-a bildirmişlər ki, tədbirdə Azərbaycan, Gürcüstan və Ermənistan hökumətlərinin üzvləri, qeyri-hökumət təşkilatlarının nümayəndələri, ATƏT, Avropa Birliyi və Minsk qrupunun təmsilçilərinin iştirakı nəzərdə tutulmuşdur. Bu beynəlxalq siyasi dialoq iki gün davam edəcəkdir.
Səfər zamanı, həmçinin, Azərbaycanın xarici işlər nazirinin alman həmkarı Yoşka Fişerlə görüşü də nəzərdə tutulmuşdur.
Xəbərin mətnində orfoqrafik səhv var
