İDMAN


AZƏRBAYCAN KOMANDASI BƏDİİ GİMNASTİKA ÜZRƏ AVROPA ÇEMPİONATINDA 6-CI YERİ TUTMUŞDUR

Azərbaycan komandası Kiyevdə başa çatan bədii gimnastika üzrə Avropa çempionatında 27 iştirakçı ölkə arasında 6-cı yeri tutmuşdur. Respublika Gimnastika Federasiyasının mətbuat xidmətindən AZƏRTAC-ın müxbirinə bildirmişlər ki, Afina Olimpiadasının gələcək iştirakçısı Dinara Gimatova və Anna Qurbanova birlikdə 177.300 bal toplayaraq, güclü Bolqarıstan yığmasını 7 bal geridə qoymuşlar. Şəxsi çoxnövçülükdə D.Gimatova 86.950 bal toplayaraq 10-cu, A.Qurbanova isə 85.475 balla 69 gimnast arasında 15-ci yerə çıxmışlar.

Beləliklə, gimnastlarımız növbəti Avropa çempionatında güclülər qrupunda çıxış edəcəklər.

Avropa çempionu adını isə həm ümumi, həm də şəxsi hesabda Rusiya komandası qazanmışdır. Ukraynalılar 2-ci, belaruslar 3-cü yeri tutmuşlar. Alina Kabayeva beşqat qitə çempionu olmuşdur. Ukraynalı Anna Bessonova gümüş, rusiyalı İrina Çaşina bürünc medala layiq görülmüşlər.

Daha bir yarış - yeddiqat dünya çempionu Oksana Kostinanın xatirəsinə həsr edilmiş 10-cu beynəlxalq turnir gimnastlarımız üçün növbəti sınaq olacaqdır. Turnir iyunun 12-13-də İrkutskda keçiriləcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.