DÜNYA


Əfqanıstanda hərbi bazaya silahlı hücum zamanı 5 gürcü əsgər yaralanıb

Tbilisi, 11 dekabr, AZƏRTAC

Əfqanıstandakı Bahram hərbi bazasına edilən silahlı hücum zamanı Gürcüstanın 5 hərbi qulluqçusu yaralanıb.

AZƏRTAC xəbər verir ki, bu barədə Gürcüstan Müdafiə Nazirliyi məlumat yayıb.

Məlumatda deyilir ki, terror hücumu zamanı 12-ci taborda xidmət aparan Qoça Muradaşvili, Soso Kvinikadze, Roman Qiunaşvili, David Baxurauli və İlya Takadze xəsarət alıblar. Onların həyatı üçün təhlükə yoxdur. Gürcü hərbçilər öz xahişləri ilə sülhməramlı qüvvələrin tərkibində antiterror əməliyyatlarında xidmətlərini davam etdirirlər.

Müdafiə Nazirliyinin İdarəetmə Mərkəzi fövqəladə vəziyyət rejimində çalışır. Müdafiə naziri İrakli Qaribaşvili və silahlı qüvvələrin komandanı, general-leytenant Vladimir Çaçibaya vəziyyəti nəzarətdə saxlayırlar.

Gürcüstanın hərbçilərinin olduğu 12-ci tabor bu ilin noyabrından Bahram hərbi bazasında “Qətiyyətli dəstək” missiyasını yerinə yetirir.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.