DÜNYA


Afrika COVID-19 əleyhinə vaksinlə təminatda ən geridə qalan qitədir

Qahirə, 29 iyul, AZƏRTAC

Afrika COVID-19 əleyhinə vaksinlə təminatda ən geridə qalan qitədir.

AZƏRTAC xəbər verir ki, bu barədə məlumat Dünya Bankının son hesabatında yer alıb.

Hesabatda qeyd olunub ki, qitənin ən yoxsul ölkələrində vaksinasiya inkişaf etmiş dövlətlərin yardımı hesabına həyata keçirilir. Rəqəmlər göstərir ki, əhalisi yüksək gəlirli ölkələrdə hər 100 nəfərə 97 doza vaksin təmin edildiyi halda, Afrikada bu göstərici cəmi hər 100 sakinə 4,7, bəzi dövlətlərdə isə hətta 1,7 dozadır.

Afrikanın yoxsul ölkələrinə “AstraZeneca” və “Jonson&Jonson” vaksinləri göndərilib. Qitənin bəzi dövlətləri – Burundi və Eritreyada isə vaksinasiya həyata keçirilməyib, Tanzaniyada prosesə yeni başlanılıb.

Körfəz ölkələri arasında ən çox vaksin Birləşmiş Ərəb Əmirliklərində vurulub. Bu dövlətdə əhalinin 72 faizi vaksinasiya olunub. Ərəb ölkələrində bu göstərici üzrə ikinci yeri 67 faizlə Qətər tutur.

Oqtay Bayramov

AZƏRTAC-ın xüsusi müxbiri

Qahirə

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.