DÜNYA


“American Airlines” aviaşirkəti maliyyə çətinliklərini aradan qaldırmaq məqsədilə 3,5 milyard dollar həcmində vəsait cəlb etməyə çalışır

Vaşinqton, 23 iyun, AZƏRTAC

“American Airlines” aviaşirkəti koronavirusun yayılması səbəbindən uçuşlara qoyulan davamlı məhdudiyyətlər nəticəsində yaranmış maliyyə çətinliklərini aradan qaldırmaq məqsədilə öz səhmlərini satmaq yolu ilə 3,5 milyard dollar toplamağı planlaşdırır.

AZƏRTAC şirkətin nümayəndələrinin bəyanatına istinadla xəbər verir ki, 3,5 milyard dollar həcmində vəsait likvidliyin yaxşılaşdırılmasına yardım edəcək. Onlar, həmçinin qeyd ediblər ki, şirkət ictimaiyyətə 750 milyon dollar həcmində səhmlər və 2,75 milyardlıq özəl borc təklif edəcək. Vurğulanıb ki, pulların bir hissəsi şirkətə mart ayında - COVID-19 pandemiyası dövrünün başlanğıcında ayrılan 1 milyard dollarlıq kreditə yenidən baxılmasına sərf ediləcək.

“American Airlines” şirkətinin Qiymətli Kağızlar və Fond Bazarı üzrə Dövlət Komissiyasına ünvanladığı müraciətində deyilir: “COVID-19 koronavirusunun qlobal yayılması aviauçuşlara tələbatın xeyli azalmasına gətirib çıxardı. Bu da bizim biznesimizə, əməliyyatlarımızın yekunlarına, maliyyə vəziyyətimizə və likvidliyə öz mənfi təsirini göstərdi”.

“American Airlines” – ABŞ-da ən iri aviaşirkətlərdən biridir. Bütün Amerika aviaşirkətləri koronavirusun yayılması ilə bağlı məhdudiyyətlər, həmçinin tələbatın azalması ucbatından ciddi itkilərlə üzləşiblər.

AZƏRTAC-ın Vaşinqton bürosu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.