DÜNYA


Anqolada son 300 ildə ən iri çəhrayı almaz aşkar edilib

Madrid, 27 iyul, AZƏRTAC

Avstraliyanın Cənubi Afrikada kəşfiyyat və almaz hasilatı ilə məşğul olan “Lucapa Diamond Company” dağ-mədən şirkəti Anqoladakı Lulu şaxtasında xalis çəhrayı almaz tapıldığını elan edib.

AZƏRTAC xəbər verir ki, şirkətin məlumatına görə, çəkisi 170 karat olan və “Rosa-du-Lulu” adı verilmiş bu almaz son 300 ildə aşkar edilmiş ən iri almazdır.

Anqolanın mineral ehtiyatlar və neft naziri Diamantinu Azevedo bəyan edib ki, rekord ölçülü bu çəhrayı almazın aşkar edilməsi Anqolanın dünya əhəmiyyətli almaz hasilatı mərkəzi olduğunu təsdiq edir.

“Rosa-du-Lulu” beynəlxalq hərracda çox yüksək qiymətə satılacaq.

2017-ci ildə çəkisi 59,6 karat olan “Çəhrayı ulduz” brilyantı Honkonq hərracında 71,2 milyon ABŞ dollarına və ya təqribən 70 milyon avroya satılıb. “Çəhrayı ulduz” indiyə qədər tarixdə ən bahalı brilyant kimi qalır.

Nigar Cəfərli

AZƏRTAC-ın xüsusi müxbiri

Madrid

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.