DÜNYA


Antonio Quterreş ikinci müddətə BMT-nin baş katibi təyin olunub

Bakı, 18 iyun, AZƏRTAC

Bu gün BMT Baş Assambleyasının iclasında Antonio Quterreş ikinci müddətə BMT-nin baş katibi təyin olunub.

AZƏRTAC BMT-nin saytına istinadla xəbər verir ki, Baş Assambleyanın qərarına əsasən, Antonio Quterreş bu vəzifəni 2022-ci ildən 2026-cı ilədək icra edəcək. Quterreş BMT-nin baş katibi postuna yeganə namizəd idi. Bundan əvvəl onun namizədliyi Təhlükəsizlik Şurası tərəfindən dəstəklənmişdi. BMT Baş Assambleyası indiyədək yalnız bircə dəfə - 1950-ci ildə Təhlükəsizlik Şurasının tövsiyəsi ilə razılaşmamışdı.

Quterreşin təyinatı barədə qətnamə səsə qoyulmadan ümumi razılıq əsasında qəbul edilib. Xatırladaq ki, BMT-nin baş katibi beş il müddətinə seçilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.