İDMAN


Azərbaycan Futvole Federasiyasının prezidenti ilə Litva millisinin rəhbər heyəti arasında görüş keçirilib

Bakı, 21 may, AZƏRTAC

Paytaxtımızda təlim-məşq toplanışında olan çimərlik futbolu üzrə Litva millisinin rəhbər və məşqçi heyəti Dünya Futvole Federasiyasının prezidenti Vüsal Xəlilovla görüşüb.

Azərbaycan Futnet Federasiyasından AZƏRTAC-a bildiriblər ki, federasiyada keçirilən görüşdə yerli qurumun rəsmiləri Gülağa Cabbarov və uzun illər çimərlik futbolu üzrə FIFA referisi olan Əfqan Həmzəyev də iştirak edib.

Litva Çimərlik Futbolu və Futzal Federasiyasının rəhbəri Vidmantas Butkeviçyus ilə görüşdə Azərbaycan Futnet Federasiyasının da prezidenti olan V.Xəlilov futtennis və futvole idman növlərinin inkişaf perspektivləri, qarşılıqlı əlaqələrin qurulması və beynəlxalq sahədə əməkdaşlıq haqqında müzakirələr aparıblar.

Son illər Azərbaycanda futvole və futnet sahəsində görülən işləri yüksək qiymətləndirən Litva nümayəndə heyəti beynəlxalq federasiyanın tərkibinə qatılmaq üçün əməli addımlar atmağa hazır olduqlarını vurğulayıblar.

Qeyd edək ki, çimərlik futbolu üzrə Litva millisi Bakıda yığmamızla iki yoldaşlıq matçında qüvvəsini sınayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.