İDMAN


Azərbaycan Premyer Liqası: “Qəbələ” öz meydanında “Sabah”ı məğlub edib

Bakı, 9 noyabr, Nicat Məmmədov, AZƏRTAC

Noyabrın 9-da futbol üzrə Azərbaycan Premyer Liqasının 11-ci turuna start verilib.

AZƏRTAC xəbər verir ki, turun açılış matçında “Qəbələ” öz meydanında “Səbail” komandasını qəbul edib. Qəbələ şəhər stadionunda keçirilmiş görüş meydan sahiblərinin böyük hesablı qələbəsi ilə yekunlaşıb - 3:0. İlk iki topu 22-ci və 45+2-ci dəqiqələrdə Davit Volkov vurub. Bununla da gürcüstanlı hücumçu qollarının sayını 4-ə çatdırıb. Oyunda son nöqtəni isə 90-cı dəqiqədə Ülvü İsgəndərov qoyub.

Matçın 80-ci dəqiqəsində “Səbail”in futbolçusu Əli Sadıxov qırmızı vərəqə ilə cəzalandırılıb.

Bu qələbəyə baxmayaraq, “Qəbələ” 9 xalla sonuncu pillədə qalıb. “Səbail” isə 11 xalla 4-dür.

Qeyd edək ki, turun ilk oyun günü ikinci görüşü “ASCO Arena”da “Keşlə” və “Neftçi” komandaları arasında oynanılır.

Tura noyabrın 10-da "Sabah" - "Sumqayıt" və "Qarabağ" - "Zirə" matçları ilə yekun vurulacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.