İDMAN


Azərbaycanlı FIFA referiləri beynəlxalq turnirlərə təyinat alıblar

Bakı, 24 may, AZƏRTAC 

FIFA referilərimiz beynəlxalq turnirlərə təyinat alıblar.

AFFA-dan AZƏRTAC-a bildiriblər ki, Əliyar Ağayevin başçılıq etdiyi hakimlər briqadası mayın 31-dən iyunun 16-dək Fransanın Marsel şəhərində keçiriləcək 1997-ci il təvəllüdlü futbolçulardan ibarət milli komandalar arasında beynəlxalq turnirə təyinat alıb. Ona Zeynal Zeynalov və Akif Əmirəli kömək edəcəklər. Turnirdə İngiltərə, Çili, Yaponiya, Portuqaliya, Braziliya, Fransa, Qatar, Quatemala, Bəhreyin, Çin, İrlandiya, Meksika komandaları mübarizə aparacaqlar.

Çimərlik futbolu üzrə FIFA referisi Əli Cəbrayılov isə mayın 29-dan iyunun 10-dək Portuqaliyanın Nazare şəhərində təşkil olunacaq Avropa Qaliblər Kuboku (EURO Winners Challenge 2019) turnirinə təyinat alıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.