MƏDƏNİYYƏT


Bakıda ilk dəfə incəsənət əsərlərinin hərracı keçirilib

Bakı, 21 may, AZƏRTAC

Mayın 21-də Mədəniyyət Nazirliyi, Dövlət Rəsm Qalereyasının və “Auction Baku” MMC-nin təşkilatçılığı ilə “Hilton Baku” otelində ilk dəfə olaraq incəsənət əsərlərinin hərracı keçirilib.

AZƏRTAC xəbər verir ki, hərrac respublikada mədəniyyət və incəsənət sahəsində biznes münasibətlərini yaratmaq, alıcı və satıcılar arasında əlaqə qurmaq, art biznes sahəsində rəqabət qabiliyyətliyini gücləndirmək məqsədilə reallaşıb.

Rəssam İlham Mirzəyev bildirib ki, hərracda “Sirli Afrika” əsəri ilə iştirak edir. Əsərin başlanğıc qiyməti 7 min manatdır. Əsər müəllif texnikasında işlənilib və çəkilmə üsulu sirr saxlanılır.

Dövlət Rəsm Qalereyasının direktoru Qalib Qasımov bildirib ki, bu, sənət tariximizdə ilk hadisədir və gələcəkdə də davam edəcəkdir. “Ümid edirəm ki, Azərbaycanda hərraca getmək, müəllif kolleksiyasının zənginləşdirilməsi ənənəsi yaranacaqdır”, - deyə Q. Qasımov vurğulayıb.

Hərraca Böyükağa Mirzəzadə, Maral Rəhmanzadə, Genadiy Brijatyuk, Zakir Hüseynov, Tofiq Cavadov, İlham Mirzəyev, Mirazər Abdullayev, Mahmud Rüstəmov, Aslan Rüstəmovun əsərləri, “İnqermandland” adlı I Pyotr dövrünə aid döyüş gəmisinin maketi çıxardılıb.

Hərracda Mirazər Abdullayevin “Sürət”, Mahmud Rüstəmovun “Yarpaqlar”, Aslan Rüstəmovun “Bahar”, Şamil Cəfərovun “İnqermandland” gəmisi əsərləri satılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.