DÜNYA


Çexiyada ruhi xəstə olan pensiyaçı məhkum edilib

Praqa, 17 aprel, AZƏRTAC

Hərfi mənası “gic, sarsaq” kimi tərcümə edilən Balda soyadlı çexiyalı pensiyaçı tərəfindən iki il bundan əvvəl törədilmiş əməllər dəmiryol qəzaları ilə nəticələnib. Xatırladaq ki, o vaxt Balda ağacları mişarlayaraq relslərin üzərinə yığmış, nəticədə qatarlar yoldan çıxmışdı. Radikal-millətçi baxışların tərəfdarı olan pensiyaçı ümid edirdi ki, bu hərəkətlərin müsəlman qaçqınlar tərəfindən törədilməsindən şübhələnməyə başlayacaqlar. Lakin o, səhv düşünürdü.

AZƏRTAC xəbər verir ki, 70 yaşlı Balda bu gün “terrorçuluq” maddəsi ilə dörd il müddətinə azadlıqdan məhrum edilib. Bundan başqa, o, ruhi xəstə olduğundan onun həbsxana bioqrafiyasına məcburi müalicə də əlavə ediləcək.

Pərvanə Qarayeva

AZƏRTAC-ın xüsusi müxbiri

Praqa

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.