DÜNYA


Çin terrorçularla mübarizə üçün effektiv lazer silahı hazırlayıb

Bakı, 13 oktyabr, AZƏRTAC

Çinin “Hongfeng” kompaniyası terrorçularla və ekstremist qrupların üzvləri ilə mübarizə üçün nəzərdə tutulan lazer silahı hazırlayıb. O, 200 metr məsafədəki hədəfləri effektiv məhv edə bilir.

AZƏRTAC TASS informasiya agentliyinə istinadla xəbər verir ki, lazer silahı ilk dəfə ölkənin mərkəzində yerləşən Hubey əyalətində xüsusi təyinatlı dəstələrin terror əleyhinə təlimlərində Çinin aerokosmik elm və sənaye korporasiyası tərəfindən nümayiş olunub.

“Lazer silahı digər vasitələrlə müqayisədə düşməni yüksək sürət və dəqiqliklə məhv edir. O, səssizdir və atəş zamanı işıq saçmır”, - deyə jurnalistlərə müsahibəsində mühəndis-konstruktor Yan Açje bildirib.

Onun sözlərinə görə, yeni silah atəş açdığı zaman təpmə impulsu vermədiyi üçün istifadəsi rahatdır. Lazer silahından Çin Kommunist Partiyasının oktyabrın 18-də Pekində keçiriləcək 19-cu qurultayı zamanı iştirakçıların mühafizəsində istifadə olunacağı gözlənilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.