İQTİSADİYYAT


Energetiklərə “Tərəqqi” medalları təqdim edilib

Bakı, 29 oktyabr, AZƏRTAC

Xəbər verdiyimiz kimi, Prezident İlham Əliyevin 2014-cü il 18 oktyabr tarixli Sərəncamı ilə Azərbaycanda energetika sahəsində səmərəli fəaliyyətlərinə görə Energetika Nazirliyinin bir qrup əməkdaşı “Tərəqqi” medalı ilə təltif edilib. Bu münasibətlə nazirlikdə mükafatların təqdim olunmasına həsr olunmuş mərasim keçirilib.

Nazirliyin mətbuat xidmətindən AZƏRTAC-a bildiriblər ki, energetika naziri Natiq Əliyev təltif olunan əməkdaşları təbrik edib, onlara gələcək fəaliyyətlərində uğurlar arzulayıb.

Ulu öndər Heydər Əliyev tərəfindən təməli qoyulan və Prezident İlham Əliyev tərəfindən uğurla davam etdirilən iqtisadi islahatların ölkə iqtisadiyyatının sürətli inkişafına yol açdığını deyən nazir energetiklərin onlara göstərilən etimadı bundan sonra da layiqincə doğruldacağına və nailiyyətlərin davamlı olacağına əminliyini ifadə edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.