CƏMİYYƏT
FHN: Ötən sutka ərzində qəza-xilasetmə əməliyyatları zamanı üçü azyaşlı olmaqla beş nəfər xilas edilib VİDEO
Bakı, 13 may, AZƏRTAC
Fövqəladə Hallar Nazirliyinin (FHN) 112 - qaynar telefon xəttinə daxil olmuş zənglər əsasında nazirliyin aidiyyəti qurumları tərəfindən ötən sutka ərzində 26 halda yanğına çıxış və 4 halda köməksiz vəziyyətdə qalma faktı üzrə qəza-xilasetmə əməliyyatları həyata keçirilib.
Nazirlikdən AZƏRTAC-a bildirilib ki, görülmüş təcili və təxirəsalınmaz tədbirlər nəticəsində yanğınların operativ söndürülməsi, insanların həyatının xilas olunması təmin edilib.
Ümumilikdə, FHN-in qüvvələri tərəfindən ötən sutka ərzində qəza-xilasetmə əməliyyatları zamanı üçü azyaşlı olmaqla beş nəfər xilas edilib. Bakı şəhərinin Yasamal rayonunda bağlı qapı arxasında aşkarlanan bir nəfərin cəsədi aidiyyəti üzrə təhvil verilib. Həmçinin paytaxtın Xəzər rayonunda yol-nəqliyyat hadisəsi nəticəsində baş verən yanğın zamanı yanan avtomobildə aşkarlanan bir nəfərin meyiti aidiyyəti üzrə təhvil verilib.
Bölmənin digər xəbərləri
