MƏDƏNİYYƏT


Filarmoniyada milli musiqi gecəsi keçirilib

Bakı, 28 yanvar, AZƏRTAC

Yanvarın 28-də Müslüm Maqomayev adına Azərbaycan Dövlət Akademik Filarmoniyasında “Milli musiqi alətlərimiz - milli sərvətimizdir” adlı konsert olub.

AZƏRTAC xəbər verir ki, gecədə Vasif Cavadov (tar), Günel Qasımova (xanəndə), Orxan Hüseynov (kamança), Amin Abdullayev (tar), Əmir Nəbiyev (xanəndə), Kamal Məmmədli (kamança) və başqaları çıxış ediblər. Musiqiçiləri İlahə Hüseynovanın dirijorluğu ilə Azərbaycan Dövlət Xalq Çalğı Alətləri Orkestri müşayiət edib.

Konsertdə xalq musiqisi nümunələri və Azərbaycan bəstəkarlarının əsərləri səslənib. Konsert böyük maraqla qarşılanıb.

Qeyd edək ki, “Gənclərə dəstək” layihəsi çərçivəsində təşkil edilən konsertin əsas məqsədi Azərbaycanda gənc istedadları üzə çıxarmaq və onları inkişaf etdirməkdir. Layihənin ideya müəllifi filarmoniyanın direktoru, Xalq artisti Murad Adıgözəlzadə, əlaqələndiricisi Ayla Kərimova-Zakariyadır.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.