DÜNYA


Fransada müştərilərin peyvənd və immunitet sertifikatlarını yoxlamayan müəssisələr 45 min avro cərimə olunacaqlar

Paris, 14 iyul, AZƏRTAC

Fransada müəssisələr - kafe, restoran, kinoteatr kimi məkanların rəhbərliyinin sanitar sənədlərin (PCR testi və ya peyvənd sertifikatı) yoxlanılmasına biganəliyi onlara baha başa gələcək.

AZƏRTAC xəbər verir ki, Fransa Prezidenti Emmanüel Makronun koronavirusla bağlı dünənki açıqlamalarından sonra ölkədə müəssisələrdə sanitar sənəd yoxlanılmadığı təqdirdə cərimə ödəyəcəkləri bildirilib. Belə müəssisələr 45 min avro cərimə ödəyəcək və bir il həbs cəzası alacaqlar. Bu sanksiya Nazirlər Şurasına iyulun 19-da təqdim olunacaq və parlamentdə baxılacaq qanun layihəsinin tərkib hissəsidir.

Sanitar sənədlərin ciddi yoxlanılması iyulun 21-dən qüvvəyə minəcək. Beləliklə, ölkədə koronavirusa qarşı peyvəndolunma bəzi peşə sahibləri üçün məcburi xarakter daşıyacaq.

Şəhla Ağalarova

AZƏRTAC-ın xüsusi müxbiri

Paris

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.