ELM VƏ TƏHSİL


Gənclərin vətənpərvərlik ruhunda tərbiyəsi vacib məsələdir

Bakı, 24 noyabr, AZƏRTAC

Azərbaycan Dövlət Neft və Sənaye Universitetində (ADNSU) Azərbaycan Respublikasının Prezidenti yanında Gənclər Fondunun dəstəyi ilə Gənc Vətənpərvərlər Birliyi tərəfindən “Gənclər arasında vətənpərvərlik tərbiyəsinin təşviqi” mövzusunda tədbir keçirilib.

ADNSU-dan AZƏRTAC-a bildiriblər ki, tədbirdə bu ali məktəbin tərbiyə işləri üzrə prorektoru, dosent Ata Babayev gənclərin vətənpərvərlik ruhunda tərbiyəsinin önəmli məsələ olduğunu qeyd edib, mövzunun əhəmiyyətini diqqətə çatdırıb.

Gənc Vətənpərvərlər Birliyinin sədri Muğamət Əliyevin “Gənclər arasında vətənpərvərlik tərbiyəsinin təşviqi” mövzusunda məruzəsi dinlənilib.

M.Əliyev gənclərin vətənpərvərlik ruhunda tərbiyə edilməsinin zərurililiyini vurğulayıb. O, eyni zamanda, rəhbərlik etdiyi təşkilatın fəaliyyət istiqamətləri, reallaşdırdığı tədbirlər haqqında məlumat verib.

Birliyin sədrinin hərbi məsələlər üzrə müşaviri, təqaüddə olan polkovnik İslam Əzimov gəncləri vətənpərvərliyə çağırıb.

Tədbirdə ADNSU-ya Gənc Vətənpərvərlər Birliyinin fəxri diplomu təqdim olunub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.