DÜNYA


“Google” BƏƏ-də vakansiya axtaranlar üçün yeni xidmət istifadəyə verir

Əbu-Dabi, 11 sentyabr, AZƏRTAC

“Google” axtarış sisteminin yeni xidməti sayəsində Birləşmiş Ərəb Əmirliklərində və Yaxın Şərqin digər ölkələrində iş axtarmaq asanlaşacaq.

AZƏRTAC xəbər verir ki, yeni xidmət istifadəyə veriləndən sonra işaxtaranlar sistemin işinin optimallaşdırılması nəticəsində vakansiyaya dair əlavə məlumatı, o cümlədən işəgötürənin təklif etdiyi əməkhaqqı, digər istifadəçilərin şirkət haqqında rəyləri və s. daha tez əldə edəcəklər.

Bununla yanaşı, istifadəçilər öz müraciətlərinə və maraqlarına müvafiq olaraq, yaranan vakansiyalar barədə xəbərləri əldə edə biləcəklər. Bu, arzulanan işin axtarılmasını əhəmiyyətli dərəcədə asanlaşdıracaq. Sistem hər ay “Google” saytında vakansiya axtarışı ilə bağlı 4 milyona yaxın müraciət qeydə alır.

Qeyd etmək lazımdır ki, bu təşəbbüs “Google” şirkəti ilə HR-xidmətləri üzrə ixtisaslaşan 11 yerli və regional portal arasında (“Bayt”, “WUZZUF”, “Forasna”, “Emploitic”, “Novojob”, “Rekrute”, “Jobzella”, “Wzayef”, “Akhtaboot”, “Laimoon” və “GulfTalent”) imzalanan tərəfdaşlıq sazişi çərçivəsində həyata keçiriləcək.

Asya Hacızadə

AZƏRTAC-ın xüsusi müxbiri

Əbu-Dabi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.