DÜNYA


Gürcüstan pandemiya səbəbindən “qırmızı” zonaya keçdi

Tbilisi, 24 oktyabr, AZƏRTAC

Gürcüstanda koronavirus yayılmaqda davam edir. Bütün tədbirlərə baxmayaraq COVID-19 virusunun yayılması kütləvi hal alıb. Bu səbəbdən də Gürcüstan “narıncı” zonadan “qırmızı” zonaya keçib.

AZƏRTAC bürosu xəbər verir ki, bu barədə Gürcüstan Səhiyyə Nazirliyinin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.

Onun sözlərinə görə, Gürcüstanda yoluxmanın pik dövrü noyabrın ikinci-üçüncü həftəsində yaşanacaq.

A.Qamkrelidze ölkə əhalisini son dərəcə ehtiyatlı olmağa, tibbi maskalardan hətta açıq havada da istifadə etməyə, ciddi ehtiyac olmadığı halda evdən çıxmamağa çağırıb.

Mərkəzin rəhbəri ölkədə əhalinin koronavirusla bağlı test olunması məsələsinə də toxunub. Bildirib ki, hazırda ölkə əhalisinin hər milyon nəfərindən 213 mini test olunub. Hər gün ölkə üzrə 10 minə yaxın test aparılır ki, bu da pandemiya şəraitində yaxşı göstərici hesab olunur.

 

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.