MƏDƏNİYYƏT


Heydər Əliyev Sarayında Novruz bayramı günlərində uşaqları əyləncəli proqram gözləyir

Bakı, 6 fevral, AZƏRTAC

Heydər Əliyev Sarayı Novruz bayramı günlərində uşaqları maraqlı, musiqili və əyləncəli proqramla sevindirəcək.

Saraydan AZƏRTAC-a bildirilib ki, bu münasibətlə martın 22-də sarayın səhnəsində “Sehrli Novruz” adlı möhtəşəm bayram konserti keçiriləcək.

Hər il olduğu kimi, bu il də Novruzun sevilən personajları Kosa və Keçəl şənliyin əsas simaları olacaqlar. Sevimli qəhrəmanlar uşaqlara Novruz bayramı, baharın gəlişi, çərşənbələr və digər adət-ənənələr haqda məlumat verəcək, müxtəlif oyunlar keçirəcəklər.

Bundan başqa, uşaqlar Keçəl və Kosanın məzəli deyişmələrindən ibarət səhnəcikləri, rəqs kollektivlərinin ifasında milli və müasir rəqsləri, musiqili qonaqların çıxışını və illüziya şousunu izləyə biləcəklər.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.