AZƏRTAC-ın Moskvadan aldığı xəbərə görə, rus pravoslav kilsəsinin başçısı II Aleksi bildirmişdir ki, Roma Papası II İoann Pavelin barışıq əlaməti kimi Rusiyaya qaytarmaq istədiyi ikona əsl ikonanın surətidir, bu səbəbdən də pontifikin zəhmət çəkib, müqəddəs obrazı Moskvaya şəxsən gətirməsinə lüzum yoxdur.

Patriarx II Aleksi Prezident Vladimir Putinə məlumat vermişdir ki, “Kazan Məryəm Anası” adı ilə məşhur olan ikona Kremlin Kafedral kilsəsinə avqustun 28-də veriləcəkdir. Lakin hazırda Vatikanda olan obraz olsa-olsa, XVI əsrə aid orijinaldan çıxarılmış çoxsaylı surətlərdən biridir”. Rusiya kilsəsinin başçısı hesab edir ki, “buna görə də Roma Papasının onu şəxsən Moskvaya gətirməsinə ehtiyac yoxdur”.