DÜNYA


İndoneziyada bütün “Boeing 737” təyyarələri yoxlanılacaq

Bakı, 30 oktyabr, AZƏRTAC

İndoneziyanın hakimiyyət orqanları yerli aviakompaniyalara parklarında olan “Boeing 737-MAX” təyyarələrini yoxlamaları barədə göstəriş verib.

AZƏRTAC “Straits Times” qəzetinə istinadla xəbər verir ki, bunu ölkənin nəqliyyat naziri Budi Karia Sumadi deyib. “Biz oktyabrın 29-da yoxlamalar aparmaları üçün “Lion Air” və “Garuda” kompaniyalarına məktub göndərmişik. Yoxlamaların nəticələri təhqiqata yardım məqsədilə Milli Nəqliyyatda Təhlükəsizlik Komitəsinə göndəriləcək”, - deyə nazir bildirib.

Nəşrin məlumatına əsasən, hazırda “Lion Air” aviakompaniyasında 8, “Garuda” aviaşirkətində isə 1 belə təyyarə var.

Xatırladaq ki, oktyabrın 29-da Cakartadan Sumatra adasına uçan “Lion Air” aviakompaniyasına məxsus “Boeing 737 MAX” təyyarəsi havaya qalxdıqdan 13 dəqiqə sonra, yerli vaxtla 6:33-də Yava adasının qərbində qəzaya uğrayıb. Təyyarənin göyərtəsindəki 181 sərnişin və 8 ekipaj üzvünün hamısı həlak olub.

Cəmi iki ay öncə istehsal olunmasına baxmayaraq, qəzaya uğrayan təyyarədə bundan əvvəlki uçuş zamanı nasazlıq aşkarlanmışdı. “Lion Air” aviakompaniyası 10 ədəd “Boeing 737 Max” təyyarəsinin alınması barədə danışıqları qəzanın səbəblərini araşdıran təhqiqatçıların yekun məruzəsinə qədər dondurduğunu elan edib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.