ELM VƏ TƏHSİL


“İstedadlı şagird üçün istedadlı müəllim” müsabiqəsi keçiriləcək

Bakı, 29 noyabr, AZƏRTAC

Təhsil İnstitutu tərəfindən “İstedadlı şagird üçün istedadlı müəllim” müsabiqəsi keçiriləcək.

Təhsil Nazirliyindən AZƏRTAC-a bildiriblər ki, dekabrın 15-də keçiriləcək müsabiqənin məqsədi istedadlı şagirdlərlə işləyəcək pedaqoji kollektivi müəyyənləşdirmək, onların müxtəlif layihələrə cəlb olunmaqla pedaqoji və akademik bacarıqlarının inkişafını təmin etməkdir.

Müsabiqə beş fənn - riyaziyyat, fizika, kimya, biologiya və informatika üzrə aparılacaq. Müsabiqənin ümumi mükafat fondu 15 min manatdır. Hər bir fənn üzrə birinci yerin qalibinə 1500, ikinci yerin qalibinə 1000, üçüncü yerin sahibinə isə 500 manat mükafat veriləcək.

“Kapital Bank”ın baş sponsorluğu ilə keçiriləcək müsabiqədə iştirak könüllüdür.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.