DÜNYA


Moldovada qadınlar sayca üstündür

Kişineu, 7 mart, AZƏRTAC

Moldovada hər 100 qadına 93 kişi düşür.

AZƏRTAC xəbər verir ki, bu barədə Moldova Milli Statistika Bürosunun məlumatında qeyd edilir.

Moldovada qadınlar kişilərdən təxminən 8 il çox yaşayırlar. 25-64 yaşlarında olan moldovalı qadınların ali təhsil səviyyəsi kişilərdən 5 faizədək çoxdur.

Bu ölkədə işə götürülən qadınların sayı demək olar ki, işləyən kişilərin sayına bərabərdir - kişilər 50,5 faiz və qadınlar 49,5 faiz. Qadınlar əkinçilik sektorunda, sənaye və tikinti sahələrində işləməyə daha az maraqlıdırlar, lakin ticarət, mehmanxana və restoranlar, təhsil, səhiyyə və sosial yardım kimi iqtisadi fəaliyyətlərdə üstünlük təşkil edirlər.

Emil Hüseynli

AZƏRTAC-ın xüsusi müxbiri

Kişineu

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.