“Mortal Kombat”ın yeni versiyasının istifadəyə veriləcəyi tarix açıqlanıb

Bakı, 20 may, AZƏRTAC

“WB Games” və “NetherRealm” şirkətləri “Mortal Kombat” faytinq kiber oyununun yeni versiyasının sentyabrın 19-da istifadəyə veriləcəyini açıqlayıblar.

AZƏRTAC xəbər verir ki, “Mortal Kombat 1” adlanacaq yeni versiya PK, PS5, Xbox Series və Switch istifadəçiləri üçün əlçatan olacaq.

Anons ilə birlikdə oyunun ilk treyleri də yayımlanıb. Videoçarxa 24 saat ərzində 8 milyondan çox baxış olub. Ən çox izlənmə “Mortal Kombat”ın rəsmi kanalında olub – 2,8 milyon.