Murov aşırımında yol-nəqliyyat hadisəsi baş verib

Bakı, 16 fevral, AZƏRTAC

Kəlbəcər Rayon Polis Şöbəsinə Murov aşırımında yol-nəqliyyat hadisəsi baş verməsi barədə məlumat daxil olub.

DİN-in Mətbuat xidmətinin Gəncə regional qrupundan AZƏRTAC-a bildirilib ki, polis əməkdaşları hadisə yerinə gələrək müvafiq araşdırma aparıblar. Məlum olub ki, yük maşını idarəetməni itirərək aşıb, nəticədə sürücü yüngül bədən xəsarətləri alıb. Sürücüyə ilkin tibbi yardım göstərilərək xəstəxanaya aparılıb, avtomobil yolun hərəkət hissəsindən çıxarılaraq nəqliyyatın hərəkəti bərpa olunub.

Faktla bağlı araşdırma davam etdirilir.