MƏDƏNİYYƏT


Muzey Sərvətləri və Xatirə Əşyalarının Elmi Bərpa Mərkəzi regionlarda sərgi-seminarlarını davam etdirir

Bakı, 7 noyabr, AZƏRTAC

Muzey Sərvətləri və Xatirə Əşyalarının Elmi Bərpa Mərkəzinin təşkilatçılığı ilə Məhsəti Gəncəvi adına mədəniyyət evində Gəncə şəhərinin, Goranboy, Naftalan, Kəlbəcər və Xocalı rayonlarının muzey müəssisələrinin əməkdaşları üçün “Cümhuriyyət-100: bərpa edilmiş mədəni sərvətlər” adlı sərgi-seminar təşkil edilib.

Mərkəzdən AZƏRTAC-a bildirilib ki, əvvəlcə tədbirdə üç rəngli bayrağımızın, Əli bəy Hüseynzadənin Azərbaycana gətirilərək bərpa olunduqdan sonra Muzey Mərkəzinə təhvil verilən şəxsi əşyaları, rəsm əsərləri haqqında söhbət açılıb, həmin əşyaların, eləcə də Gəncə şəhərinin muzey toplularına məxsus bir çox əşyaların bərpa prosesini əks etdirən təqdimatlardan danışılıb.

Sonra Mərkəzin yaranma tarixindən bəhs edən videoçarx nümayiş olunub.

Tədbirdə, Əli Bəy Hüseynzadə, eləcə də Cümhuriyyətin digər qurucuları haqqında tarixi sənədlərdən əldə edilmiş məlumatlar iştirakçıların diqqətinə çatdırılıb.

Sonda maraq doğuran suallar mərkəzin əməkdaşları tərəfindən cavablandırılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.