DÜNYA
Nursultan Nazarbayevin “Böyük çölün yeddi tərəfi” adlı məqaləsi dərc edilib
Astana, 21 noyabr, AZƏRTAC
Qazaxıstan Respublikasının Prezidenti Nursultan Nazarbayevin “Böyük çölün yeddi tərəfi” adlı məqaləsi dərc edilib.
AZƏRTAC xəbər verir ki, Nursultan Nazarbayev məqaləsində “Çöl folklorunun antologiyası”nın, “Böyük çölün qədim motivləri” kolleksiyasının yaradılması, qədim sənət və texnologiyalara aid muzeyin açılması və s. barədə təkliflər irəli sürüb. O, vurğulayıb ki, Qazaxıstanın məşhur sərkərdələri, döyüşçüləri, mütəfəkkirləri və rəhbərləri yalnız ölkə daxilində deyil, bütün dünyada tanıdılmalıdır.
Prezident 2019-cu ildə Astanada Dünya Türkoloqları Konqresinin keçirilməsini, “Türk mədəniyyəti: qədimdən günümüzə qədər” adlı layihənin hazırlanmasını və “Arxiv – 2025” yeddi illik proqramın yaradılmasını da təklif edib.
İlahə Əhmədova
AZƏRTAC-ın xüsusi müxbiri
Astana