DÜNYA


Ötən ay Ceyhandan 261 min barrel İraq nefti ixrac edilib

Bakı, 5 dekabr, AZƏRTAC

İraq noyabrın 16-dan indiyədək Kərkükdəki quyularından hasil olunan 261 min barrel xam nefti Kərkük-Ceyhan boru kəməri ilə ixrac edib.

AZƏRTAC xarici KİV-lərə istinadla xəbər verir ki, bu barədə İraqın Neft Nazirliyinin sözçüsü Asim Cihad deyib. O bildirib ki, noyabrda ölkədəki quyulardan çıxarılmış ümumilikdə 101 milyon 156 min barrel neft ixrac olunub. Təxminən 100 milyon 895 min barrel neft Bəsrə limanı, 261 min barrel neft isə Ceyhan limanı vasitəsilə ixrac edilib. Keçən ay İraqın gündəlik neft ixracı 3 milyon 372 min barrel olub və bu ixracın dəyəri təxminən 6 milyard 179 milyon dollar təşkil edib.

Xatırladaq ki, İraq hökuməti noyabrın 16-dan etibarən Kərkük neftinin yenidən Ceyhan limanına nəqlinə başlayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.