ELM VƏ TƏHSİL


Polşa məktəblərindən birinin kitabxanasına 55 adda kitab hədiyyə olunub

Zamoç, 9 noyabr, AZƏRTAC

Azərbaycanın Polşadakı səfiri Həsən Həsənov Zamoç şəhərinin meri Andjey Vnukun şəxsi dəvəti ilə Polşa müstəqilliyinin bərpasının banisi sayılan Yozef Pilsudskinin abidəsinin təntənəli açılış mərasimində iştirak edib.

Hərbi, siyasi və dövlət xadimi olan Y.Pilsudski 1918-ci il noyabrın 11-də elan edilmiş müstəqil Polşanın ilk dövlət başçısı olub.

Abidə ilk dəfə 1933-cü ildə heykəltəraş Yakub Yuşik tərəfindən düzəldilmiş və Zamoç şəhərinin mərkəzi meydanında ucaldılmışdı. 1942-ci ildə faşistlər tərəfindən partladılmış abidə 76 ildən sonra yenidən bərpa olunaraq əvvəlki yerində ucaldılıb.

Açılış mərasimində iştirak edən səfir Həsən Həsənov daha sonra H.Sinkeviç adına 2 saylı orta məktəbi ziyarət edərək həmin məktəbin kitabxanasına səfirlik tərəfindən nəşr olunmuş 55 adda kitab bağışlayıb.

Aygün Əliyeva

AZƏRTAC-ın xüsusi müxbiri

Zamoç

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.