İDMAN


Qərib Əliyev: Əminik ki, yeniyetmə güləşçilərimiz potensiallarından maksimum istifadə edəcəklər

Bakı, 11 avqust, Leyla Qurbanova, AZƏRTAC

Azərbaycan Sərhəd Mühafizəsinin 100 illiyinə həsr edilmiş sərbəst güləş üzrə açıq kubok yarışı gərgin mübarizə şəraitində davam edir. Ölkənin bütün bölgələrindən olan 30-dan çox komandanın tərkibində 250-dək yeniyetmə güləşçi bu turnirdə gücünü sınayır. Yeniyetmə güləşçilər 10 çəki dərəcəsində mübarizə aparırlar. Ədalət təmsilçiləri öz üzərlərinə düşən vəzifəni yüksək səviyyədə yerinə yetirmək üçün böyük səy göstərirlər. Əminik ki, yeniyetmə güləşçilərimiz potensiallarından maksimum istifadə edəcəklər.

Bu sözləri AZƏRTAC-a məxsusi müsahibəsində avqustun 10-da “Sərhədçi” İdman Olimpiya Mərkəzində start götürmüş sərbəst güləş üzrə açıq kubok yarışının baş hakimi, Azərbaycan Güləş Federasiyasının hakimlər kollegiyasının sədri Qərib Əliyev deyib.

O qeyd edib ki, turnirdə rəqabət yüksəkdir. Yarışda bir sıra beynəlxalq turnirlərin qalib və mükafatçıları da mübarizə aparırlar.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.