REGİONLAR


Qubada qanunsuz fəaliyyət göstərən limonad sexi aşkarlanıb VİDEO

Quba, 25 iyun, Elxan Yusifli, AZƏRTAC

Qubada sanitar texniki, sanitar gigiyenik vəziyyətə, o cümlədən qida təhlükəsizliyi sahəsində normativ hüquqi tələblərə uyğun olmadan fəaliyyət göstərən alkoqolsuz içkilərin istehsalı müəssisəsi aşkarlanıb.

Qida Təhlükəsizliyi Agentliyinin (AQTA) Xaçmaz Regional Bölməsindən AZƏRTAC-ın bölgə müxbirinə verilən məlumata görə, rayonun Timiryazev kəndində Məlikov Ələkbər Bəhram oğluna məxsus sexdə yoxlama zamanı məhsulların istehsalı zamanı texnoloji ardıcıllığa riayət olunmaması müəyyənləşib. Həmçinin istehsal müəssisəsində istifadə olunan suyun laborator müayinələrinin həyata keçirilmədiyi üzə çıxıb. Sexdə “Quba Şahdağ” əmtəə nişanlı qazlaşdırılmış alkoqolsuz içkilər (limonad) istehsal olunur.

Aşkar olunan fakt əsasında qanunvericiliyin tələbləri çərçivəsində inzibati tədbirlər görülüb.

Məhsullardan nümunələr götürülərək Qida Təhlükəsizliyi İnstitutunun müvafiq laboratoriyalarına göndərilib.

Qida Təhlükəsizliyi Agentliyi istehlakçı hüquqlarının qorunması, həmçinin qida təhlükəsizliyinin təmin olunması istiqamətində tədbirləri mütəmadi davam etdirəcək.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.