CƏMİYYƏT


Respublika ərazisində plastik tullantıların toplanması üçün 136 konteyner yerləşdirilib

Bakı, 12 dekabr, AZƏRTAC 

Plastik tullantıların ətraf mühitə təsirinin azaldılması məqsədilə Ekologiya və Təbii Sərvətlər Nazirliyinin (ETSN) təşəbbüsü ilə başlanılan kampaniya çərçivəsində plastik qabların toplanması və çeşidlənməsi üçün 37 şəhər və rayonda 136 konteyner yerləşdirilib.

Nazirliyin mətbuat xidmətindən AZƏRTAC-a bildiriblər ki, təşəbbüsə yerli icra hakimiyyəti orqanları, bələdiyyələr, sahibkarlar və iri sənaye müəssisələri də qoşulub.

Hazırda ETSN-in plastik tullantıların idarə edilməsi və polietilen məmulatlardan istifadənin azaldılması ilə bağlı həyata keçirdiyi tədbirlər davam etdirilir.

Nazirlik təmiz bir mühitdə yaşamaq naminə həyata keçirilən bu təşəbbüsə dəstək verən hər bir vətəndaşa təşəkkür edir və ictimaiyyəti bu cür aksiyalarda fəal olmağa çağırır. Gəlin ətraf mühitin mühafizəsinə öz töhfəmizi verək.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.