MƏDƏNİYYƏT


Rəssam Rizvan İsmayılın “44 pilləli qələbə əsəri” Azərbaycanın parlaq qələbəsinə həsr olunub

Tbilisi, 16 may, AZƏRTAC

Gürcüstanda yaşayan soydaşlarımız Azərbaycanın 44 günlük Qələbəsinə, işğaldan azad olunmuş ərazilərin bərpasına, eləcə də təbliğinə öz töhfələrini verirlər.

AZƏRTAC xəbər verir ki, belə soydaşlarımızdan biri də görkəmli fırça ustası, əsərləri dünyanın bir neçə ölkəsində nümayiş etdirilən rəssam Rizvan İsmayıldır. Rəssamın əl işləri arasında Azərbaycana, onun əsrarəngiz təbiətinə həsr olunmuş çoxlu əsərlər var.

Rəssam özünün feysbuk səhifəsində yazır: “2022-ci il “Şuşa İli” elan olunub. Bir sənət adamı kimi, bizim də fırça, palitramız-kətanımızla iştirakımız vacibdir”.

Onun Əbcədizm üslubunda işlənmiş əsəri “44 pilləli qələbə” adlanır. Kətan üzərində yağlı boya ilə hazırlanmış sənət əsərində qələbəyə aparan yol, qələbənin təmin olunmasındakı əzmkarlıq, eləcə də vətənpərvərlik əksini tapıb.

Əsərdə parçalanmış narın dənələri və xarıbülbül də təsvir olunub.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.