İQTİSADİYYAT


“TEKNOFEST Azərbaycan” çərçivəsində keçiriləcək bir neçə müsabiqənin qeydiyyat müddəti uzadılıb

Bakı, 18 fevral, AZƏRTAC

Rəqəmsal İnkişaf və Nəqliyyat Nazirliyinin təşkilatçılığı ilə bu il mayın 26-29-da Bakıda ilk dəfə keçiriləcək “TEKNOFEST Azərbaycan” Aerokosmik və Texnologiya Festivalı ilə bağlı çoxsaylı müraciətlər nəzərə alınaraq bir neçə müsabiqənin qeydiyyat müddəti uzadılıb.

Nazirlikdən AZƏRTAC-a bildirilib ki, innovativ ideya və layihələrlə çıxış edən məktəbli, tələbə və gənc sahibkarların festivala göstərdiyi böyük maraq və yüksək fəallıq səbəbindən adları qeyd edilən müsabiqələrin qeydiyyat tarixi 2022-ci il fevralın 28-ə qədər uzadılır: “Baku Skills”; “Yaşıl texnologiyalar”; “Aqrar texnologiyalar”; “Sosialyönümlü texnologiyalar”; “Robotexnika”.

Bundan əlavə, “Ağıllı şəhər” konsepsiyasını ehtiva edən “SMART QARABAĞ” Hakatonu üçün son müraciət tarixi dəyişdirilərək aprelin 1-i müəyyən olunub.

“Peyk modelləşdirilməsi”, “Pilotsuz uçuş aparatları” və “Sailplaner” adlı yarışlar üzrə qeydiyyat isə fevralın 17-dən etibarən dayandırılıb.

Əlavə məlumat əldə etmək üçün: (050) 251-40-28; [email protected]; teknofest.az

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.