ELM VƏ TƏHSİL


Tanınmış politoloq Bilik Fondunun “Diplomatlar” klubunun üzvləri ilə diskussiya aparıb

Bakı, 29 noyabr, AZƏRTAC

Azərbaycan Respublikasının Prezidenti yanında Bilik Fondunun təşkilatçılığı ilə Yasamal rayon Heydər Əliyev Mərkəzində Milli Məclisin deputatı, professor Elman Nəsirovla “Diplomatlar” klubu üzvlərinin görüşü keçirilib.

Fonddan AZƏRTAC-a bildirilib ki, tədbirdən öncə tələbələr Heydər Əliyev Mərkəzinin “Muzey” və “Kitabxana”, “İnformasiya texnologiyaları” bölmələri barədə məlumatlandırılıb. Onlara Azərbaycan xalqının ümummilli lideri Heydər Əliyevin şərəfli ömür yolunu, ölkəmizin tərəqqisi uğrunda göstərdiyi misilsiz xidmətlərini özündə əks etdirən eksponat, fotoşəkillər və kitablar haqqında ətraflı bilgilər verilib.

Yasamal Rayon İcra Hakimiyyəti başçısının müavini Təravət Muradova fondla birgə təşkil etdikləri maarifləndirici layihələrdən danışıb. Mərkəzin əməkdaşı Azər Zeynalzadə belə tədbirlərin əhəmiyyətindən bəhs edib.

Bilik Fondunun beynəlxalq layihələr sektorunun müdiri Rauf Həsənov təmsil etdiyi qurumun beynəlxalq əlaqələrindən söz açıb və bildirib ki, gənclərin dünyagörüşünün hərtərəfli inkişafına nail olmaq üçün onların bilik və bacarıqlarının qloballaşan dünyanın tələblərinə cavab verməsi vacibdir.

Tədbirdə E.Nəsirov beynəlxalq münasibətlər, politologiya və menecment ixtisasları üzrə təhsil alan klub üzvləri ilə müasir beynəlxalq münasibətlərin aktual problemləri, Azərbaycanın milli təhlükəsizlik siyasəti və müasir geosiyasi münasibətlər sistemində rolu, böyük güclərin Yaxın və Orta Şərq siyasəti kimi bir çox məsələlər ətrafında diskussiya aparıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.