MƏDƏNİYYƏT


Tanınmış şairin yaradıcılıq gecəsi keçirilib

Bakı, 20 oktyabr, AZƏRTAC

“Mivarid Dilbazi Məclisi”nin və Nizami rayon Mərkəzləşdirilmiş Kitabxana Sisteminin birgə təşkilatçılığı ilə Azərbaycan Yazıçılar Birliyinin üzvi, tanınmış şair Güləmail Muradın yaradıcılıq gecəsi keçirilib.

AZƏRTAC xəbər verir ki, tədbiri “Mirvarid Dilbazi Məclisi”nin sədri şair Güllü Eldar Tomarlı açaraq G. Muradı təbrik edib, onun yaradıcılığı haqqında məlumat verib.

Bildirilib ki, Güləmail Murad “Sənli-sənsiz”, “Qarabağ harayı”, “Vətən sağ olsun!”, “Balaca müdrik”, “Sevgi dastanı”, “Dostluq körpüsü”, “Dağlarda şəhid səsi” və digər kitabların müəllifidir. Şeirləri bir neçə xarici dilə tərcümə edilib. Sözlərinə onlarla musiqi bəstələnib.

Tədbirdə filologiya elmləri üzrə fəlsəfə doktoru, şair Fəridə Ləman, şair-publisist Qəşəm Nəcəfzadə, tənqidçi-yazar Əsəd Cahangir, filologiya üzrə fəlsəfə doktoru, dosent Yeganə Qəhrəmanova, ustad aşıq Cahangir və başqaları çıxış edərək Güləmail Muradın yaradıcılığından söz açaraq ona təbriklərini çatdırıblar.

Tədbirin iştirakçılarına və təşkilatçılarına minnətdarlığını bildirən Güləmail Murad yeni şeirlərini oxuyub.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.