DÜNYA


Tokioya güclü qar yağacağı gözlənilir

Tokio, 9 fevral, AZƏRTAC 

Yaponiya sinoptikləri fevralın 9-da paytaxt Tokionun da daxil olduğu Kanto regionunda güclü qar yağacağı barədə xəbərdarlıq ediblər.

AZƏRTAC Yaponiya Meteorologiya Agentliyinə istinadla xəbər verir ki, güclü soyuq hava kütlələri və aşağı təzyiq şənbə günü səhərdən gecəyədək böyük əraziyə qar gətirəcək.

Güclü qar yağması nəticəsində fevralın 10-da səhər Kanto regionunun dağlıq ərazilərinə 10 santimetr, düzənlik əraziyə 8 santimetr və Tokionun 23 rayonuna 5 santimetr qalınlığında qar düşəcəyi gözlənilir.

Meteorologiya agentliyi insanları nəqliyyatın hərəkətində problemlər yaradacaq buzlu yollarda ehtiyatlı olmağa çağırır. Sürücülərə qış şinlərindən və ya zəncirlərdən istifadə etmək tövsiyə olunur.

Bəzi aviaşirkətlər şənbə gününə nəzərdə tutulan bir sıra reysləri artıq təxirə salıblar. Fevralın 9-da səhər saat 5-ə olan məlumata görə, “Japan Airlines” aviaşirkəti Tokionun “Haneda” və qonşuluqdakı Çiba prefekturasında yerləşən “Narita” aeroportlarında 50 reysi təxirə salıb.

“Jetstar” aviaşirkəti isə “Narita” və Aiçi prefekturasındakı “Tyubu” aeroportlarında 34 reysin uçuşunu dayandırıb. “Nippon Airways” şirkəti “Narita”ya cəmi 12 reysi həyata keçirib.

Aviadaşıyıcılar son məlumatları almaq üçün sərnişinlərdən öz elektron poçtlarını və şirkətlərin veb-saytlarını izləməyi xahiş edirlər.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.